арнайы тазарту орны

арнайы тазарту орны
(Пункт специальной обработки)
әскери техниканы, қару-жарақты, көлікті және т.б. материалдық құралдарды газсыздандыру, дезактивациялау мен дезинфекциялау, сонымен қатар ядролық зақым ошақтары мен радиоактивті, химиялық, биологиялық зақымдану алқаптарынан көшірілген, иесіз қалған әскери мүліктерді арнайы өңдеу жүргізілетін аудандардың бір элементі. Олар ұрыс қимылдарына дайындалу және жүргізу барысында штаттық радиациялық және химиялық қорғаныс взводтары мен роталарының немесе арнайы бөлінген ұрыс бөлімшелерінің күшімен зақымданған ауданнан тыс жерлерде алдын ала, ал басқа жағдайларда өңдеуді қажет ететін әскерлердің орналасқан аудандарында жайғасады. Жою ошақтарынан (зақымдану алқаптарынан) шығарылған, иесіз қалған әскери мүліктерді арнайы өңдеу үшін А.т.о. көшіру бағыты мен қираған машиналарды жинау пунктеріне жақын орналастырылады. А.т.о-нда бақылау-үлестіру посты, сонымен қатар қару-жарақ пен техниканы арнайы өңдеу, қайта тазарту, теріні қорғаудың жеке құралдарын өңдеу, санитарлық өңдеу алаңдары, тазартудың толықтығын бақылау постылары жабдықталып, байланыспен қамтамасыз етіледі. Күштері мен құралдарын қолдана отырып А.т.о-н орналастырушы бөлімшенің командирі арнайы өңдеуден өтетін бөлімшенің командирі орналасқан басқару пунктінде жайғасады. А.т.о-ның алаңдары, сонымен қатар олардың өзара бағыттары "таза" және "лас" болып бөлінеді. Жеке құрам, техника мен қару-жарақ өңдеуге дейін "лас" бөлігінде, ал өңдеуден өткен соң "таза" бөлігінде орналасады. А.т.о-ның инженерлік жабдықтау құрамына: су көздеріне апаратын жолдарды, ақпалы арықтарды, сорғы құдықтарын, тазарту аудандары арасындағы қозғалыс жолдарын, жеке құрам үшін атыс ұялары мен орлар дайындау, бүркемелеуші экрандарды, су алатын скважиналарды жабдықтау кіреді.

Казахский толковый терминологический словарь по военному делу. — Мектеп.

Поможем написать диплом

Полезное



Поделиться ссылкой на выделенное

Прямая ссылка:
Нажмите правой клавишей мыши и выберите «Копировать ссылку»